خیبر پختونخوا میں 33 ویں قومی مقابلوں کے انعقاد کی تمام تیاریاں مکمل ہیں جوہفتہ کے روز سے شروع ہوں گے۔
صوبے میں دس سال کے بعد یہ مقابلے منعقد کئے جارہے ہیں ،اس بڑے ایونٹ کی کامیابی کےلئے زبردست انتظامات کئے گئے ہیں۔
تفصیلات کے مطابق ملک بھر سے مجموعی طور پر بارہ ہزار مرد اور خواتین اتھلیٹس ان مقابلوں میں حصہ لیں گے۔
ادھر خیبرپختونخوا کے وزیر کھیل عاطف خان نے کہا ہے کہ قومی مقابلوں سے صوبے کا مثبت تشخص اجاگر ہوگا۔
