وزیراعظم عمران خان سے منگل کے روز اسلام آباد میں کوریا کے دیہی ترقی اور انتظام کے محکمے کے نائب وزیرHUR TAEWOONGکی قیادت میں ایک وفد نے ملاقات کی۔
وفد سے باتیں کرتے ہوئے وزیراعظم نے امید ظاہر کی کہ پاکستان اور کوریا مجموعی دوطرفہ تعلقات کو مزید مستحکم کرنے کے لئے مختلف شعبوں میں وسیع مواقع سے فائدہ اٹھانے کے لئے مل کر کام کریں گے۔کوریا کے نائب وزیر نے جو پاکستان کے دو روزہ دورے پر ہیں اپنے ملک کی طرف سے زرعی شعبے اور دیہی ترقی میں پاکستان کی مسلسل اور مضبوط حمایت کا عزم دہرایا۔