خیبرپختونخوا کی حکومت نے صوبے بھر کے دینی مدارس میں کھیلوں کے منصوبے شروع کرنے کا فیصلہ کیا ہے۔
کھیلوں کے محکمے کے ایک عہدیدار کے مطابق پہلے مرحلے میں نوشہرہ میں دارالعلوم حقانیہ اکوڑہ خٹک میں ایک بیڈ منٹن کورٹ قائم کیا جائے گا۔
یہ فیصلہ مدارس کے طلبہ میں کھیلوں کی سرگرمیاں بڑھانے کےلئے کیاگیا ہے تاکہ طلبہ کو صحت مند سرگرمیوں کی سہولت فراہم کی جاسکے۔
عہدیدار نے بتایا کہ حکومت تمام اضلاع میں با صلاحیت مردوخواتین کےلئے کھیلوں کے میدان ،ان ڈور جیمنزیم اور سکوائش کورٹس بھی قائم کررہی ہے۔
