پنجاب کے سینئر وزیر عبدالعلیم خان نے کہا ہے کہ گزشتہ دس سال میں تیسری بار 40 لاکھ ٹن گندم کی خریداری کا ہدف حاصل کیاگیا ہے۔
پیر کے روز لاہور میں پریس کانفرنس سے خطاب کرتے ہوئے انہوں نے کہا کہ کاشتکاروں نے اس سال گندم ایک ہزار چار سو روپے سے ایک ہزار600 روپے فی من بیچی ہے۔
صوبائی وزیر نے کہا کہ حکومت نے کاشتکاروں سے حاصل کئے گئے غلے کے مطابق انہیں مکمل ادائیگیاں کردی ہے۔
انہوں نے کہا کہ پنجاب حکومت نے احساس پروگرام کے تحت 50 لاکھ مستحق افراد کے کوائف جمع کئے ہیں۔