پاکستان کرکٹ بورڈ نے کہا ہے کہ کوروناوائرس لاک ڈاون کی وجہ سے مقامی سطح پر کرکٹ کی کوئی سرگرمی نہیں ہورہی اس لئے وہ فرسٹ کلاس کرکٹرز اور دیگر فریقوں کو در پیش مشکلات میں ان کی مدد کرے گا۔
پی سی بی نے ایک بیان میں کہا کہ میچ آفیشلز، سکوررز اور گراونڈ سٹاف کی بھی مدد کی جائے گی اور بورڈ نے اس مشکل اور غیر معمولی وقت میں جب دنیا بھر میں معاشی سرگرمیاں بری طرح متاثر ہوئی ہیں اپنے مالی بجٹ میں فنڈز مختص کئے ہیں۔
