انفارمیشن ٹیکنالوجی اور ٹیلی کام کے وزیر سید امین الحق نے کہا ہے کہ ملک میں انفارمیشن ٹیکنالوجی کی صنعت کی حالیہ ترقی شاندار ہے اور تمام روایتی شعبے بہتری کی راہ پر گامزن ہیں۔ اتوار کے روز اسلام آباد میں ایک تقریب سے خطاب کرتے ہوئے انہوں نے کہا کہ یہ روایتی شعبوں کیلئے پاکستان میں آئی ٹی برآمدات کے کاروبار کی صلاحیتوں سے استفادہ کا بہترین وقت ہے۔وفاقی وزیر نے کہا کہ بھرپور کاروباری دلچسپی کے باعث پاکستان میں نہ صرف سرکاری بلکہ نجی شعبے کی جانب سے برینڈنگ، بنیادی ڈھانچے کی ترقی اور استعداد کار میں اضافہ اور دوسرے شعبوں میں بھرپور سرمایہ کاری کی ضرورت ہے۔
