آزاد جموں و کشمیر کے صدر سردار مسعود خان نے کہا ہے کہ علاقے کی عوام کی ترقی اور لوگوں کے بنیادی مسائل کا حل حکومت کی اولین ترجیح ہے۔ بدھ کے روز راولاکوٹ میں عوامی اجتماع سے خطاب کرتے ہوئے انہوں نے کہاکہ آزاد جموں وکشمیر کے عوام کو آزادی جیسی نعمت حاصل ہے جبکہ مقبوضہ کشمیر میں ہمارے بھائی آج بھی اپنے بنیادی حقوق سے محروم ہیں۔ صدر مسعود خان نے کہا کہ بھارتی فوج خطے میں انسانی حقوق کی خلاف ورزیاں کرتے ہوئے دہشت گردی کو فروغ دے رہی ہے۔