وزیر مملکت نے کہا ک سیکورٹی فورسز اور عوام کی مشترکہ کوششوں سے دہشتگردی کا ناسور مکمل طور پر ختم کیا جائے گا۔

File photo

پوری قوم دہشت گردی کیخلاف جنگ میں متحدہے،مریم اورنگزیب
02 جولائی 2017 (21:23)
0

اطلاعات کی وزیر مملکت مریم اورنگزیب نے کہا ہے کہ ملک میں دہشتگردی کے واقعات میں نوے فیصد تک کمی ہوئی ہے۔
اتوار کی رات ریڈیو پاکستان کے خبروں اور حالات حاضرہ کے چینل کے ساتھ ایک انٹرویو میں انہوں نے کہا کہ ملک کی سیکورٹی فورسز اور عوام کی مشترکہ کوششوں سے دہشتگردی کا ناسور مکمل طور پر ختم کیا جائے گا۔
مریم اورنگزیب نے کہا کہ پاکستان کی سیکورٹی فورسز اور شہریوں کی جانب سے دی جانے والی قربانیاں رائیگاں نہیں جائیں گی اور ملک اور آئندہ نسلوں کا مستقبل محفوظ ہوگا۔
وزیر مملکت نے کہا کہ ملک کا دشمن پارا چنار میں دھماکے کے ذریعے فرقہ وارانہ اختلاف پیدا کرنا چاہتا تھا۔انہوں نے کہا کہ ملک کی سیکورٹی فورسز اور عوام نے دشمن کے مذموم عزائم کو ناکام بنا دیا ہے اور پوری قوم دہشتگردی کے خلاف جنگ میں متحد ہے۔
انہوں نے کہا کہ قومی لائحہ عمل کے مثبت نتائج برآمد ہورہے ہیں۔ انہوں نے کہا کہ کراچی میں امن بحال کردیا گیا ہے۔ ان کا کہنا تھا کہ قومی لائحہ عمل پر عملدرآمدوفاقی حکومت اور تمام صوبوں کی مشترکہ ذمہ داری ہے۔