امریکہ کے نو منتخب صدر جوبائیڈن نے کہا ہے کہ وہ چین کے ساتھ ڈونلڈٹرمپ کے تجارتی معاہدے کے پہلے مرحلے کو فوری منسوخ نہیں کریںگے اور نہ ہی چین کی برآمدات پر محصولات ختم کرنے کے اقدامات کرینگے۔یہ بات انہوں نے ٹائمز کے کالم نگار تھامس فرائیڈ مین کو ایک انٹرویو میں کہی۔اس سال طے پانے والے معاہدے کے پہلے مرحلے میں چین نے اتفاق کیا تھا کہ وہ 2020اور 2021 تک کم از کم 200ارب ڈالر کی امریکی مصنوعات خریدے گا۔ایران کے بارے میں بائیڈن نے کہا کہ اگر ایران نے ایٹمی معاہدے کی مکمل پاسداری کی تو وہ پابندیاں ہٹا دیںگے۔