بلوچستان کے گورنر امان اللہ خان یٰسین زئی نے کہا ہے کہ سرکاری ملازمین ملک کے قانون اور آئین کے تحت کام کرنے کے پابند ہیں۔
انہوں نے آج کوئٹہ میں زیر تربیت تحصیل داروں کے گروپ سے گفتگو کرتے ہوئے ان پر زوردیا کہ وہ کسی بھی طرح کے جبر اور خوف کے آگے گھٹنے ٹیکے بغیر اپنے فرائض انجام دیں۔
گورنر نے کہا کہ ریاستی ادارے موجودہ حکومت کی وضع کردہ عوام دوست پالیسیوں کے نتیجے میں مستحکم ہوئےہیں۔