آزادکشمیر کے صدر سردار مسعود خان نے عالمی برادری پر زور دیا ہے کہ وہ خاموشی توڑے اور مسئلہ کشمیر کے حل کےلئے اپنا کردار ادا کرے۔
اسلام آباد میں آج ایک کانفرنس سے خطاب کرتے ہوئے انہوں نے انسانی حقوق کی بین الاقوامی تنظیموں سے اپیل کی کہ وہ مقبوضہ کشمیر کے مظلوم عوام کےلئے انسانی امدادی اشیا کی فراہمی کے راستے کی حمایت کریں۔
سردار مسعود خان نے کہا کہ مقبوضہ کشمیر لہولہان ہے جہاں بھارتی فوج کشمیریوں کے حق خودارادیت کی منصفانہ جدوجہد کو دبانے کےلئے شہریوں کو شہید ،تشدد اور انسانی حقوق کی سنگین خلاف ورزیاں کررہی ہیں۔