وفاقی کابینہ نے سینٹائزرز اور دیگر اشیاء سمیت مقامی طور پر تیار کئے گئے ذاتی حفاظتی آلات کی برآمد کی منظوری دے دی ہے۔
کابینہ نے یہ منظوری منگل کے روز اسلام آباد میں وزیراعظم عمران خان کے زیرِ صدارت ایک اجلاس میں دی ۔وفاقی کابینہ نے کورونا وائرس کے پھیلاؤ کی روک تھام کی غرض سے حکومت کی طرف سے جاری کردہ ایس اوپیز پر سختی سے عملدرآمد کے لیے عوام میں آگاہی پیدا کرنے پر بھی زور دیا ۔کابینہ نے کورونا ٹیسٹ کی لیبارٹریوں کی تعداد دو سے بڑھا کر سو کرنے پر اطمینان کا اظہار کیا ، کابینہ کو بتایا گیا کہ ٹیسٹوں کی صلاحیت کو بتیس ہزار یومیہ تک بڑھایا گیا ہے۔ جو ابتدا میں صرف چار سو ٹیسٹ یومیہ تک تھی۔
