سیاسی رابطوں کے معاون خصوصی ڈاکٹر شہبازگل نے الیکشن کمیشن سے کہا ہے کہ وہ سابق وزیراعظم سید یوسف رضا گیلانی کے بیٹے کی ویڈیو کا نوٹس لیں جس میں پیپلزپارٹی کے رہنما کو سینیٹ کے انتخابات کیلئے ووٹ خریدتے ہوئے دکھایا گیا ہے ۔
منگل کے روز اسلام آباد میں میڈیا سے گفتگو کرتے ہوئے انہوں نے کہاکہ آزادانہ اور شفاف انتخابات عوام کی فلاح وبہبود اور ملک کی ترقی کیلئے ضروری ہیں۔انہوں نے کہاکہ مافیا ووٹوں کی مزید فروخت میں ملوث ہے جو آزادانہ اور شفاف انتخابات نہیں چاہتا ۔ڈاکٹر شہبازگل نے کہاکہ اس مافیا کو چیلنج کرنے کا کریڈٹ وزیراعظم عمران خان کو جاتا ہے۔