گلگت بلتستان میں ہراول دستے کے طورپر کام کرنے والے طبی عملے کو کوروناوائرس کی ویکسین لگانے کی مہم اس مہینے کی پندرہ تاریخ سے شروع ہوگی۔
یہ بات گلگت بلتستان کے محکمہ صحت کے کوروناوائرس کے حوالے سے فوکل پرسن ڈاکٹر شاہ زمان نے منگل کے روز ریڈیوپاکستان کے گلگت کے نمائندے کو بتائی۔انہوںنے کہاکہ ویکسین کی تقریباً چار ہزار خوراکیں اگلے چند روز میں گلگت منتقل کی جائیں گی۔انہوںنے کہاکہ ڈاکٹروں اور معاون طبی عملے سمیت ہراول دستے کے طورپر کام کرنے والے طبی عملے کی تفصیلات اکٹھی کی جا سکتی ہیں۔