پنجاب کے وزیر خزانہ ہاشم جواں بخت نے کہا ہے کہ پنجاب روزگار سکیم کے تحت نوجوانوں کو آسان اقساط پر پچیس ارب روپے کے قرضے فراہم کیے جائیں گے۔انہوں نے ہفتہ کے روز لاہور میں نیوز کانفرنس سے خطاب کرتے ہوئے کہا کہ پنجاب ریونیو اتھارٹی کو گزشتہ مالی سال کی نسبت42 فیصد زیادہ آمدن ہوئی ہے۔انہوں نے کہا کہ پنجاب حکومت صوبے میں پچاس ارب روپے کی لاگت سے صحت کی یکساں سہولتوں کی فراہمی کا پروگرام شروع کررہی ہے۔