اطلاعات کے بارے میں وزیراعلی پنجاب کی معاون خصوصی ڈاکٹر فردوس عاشق اعوان نے کہا ہے کہ حکومت ڈائریکٹوریٹ جنرل پبلک ریلیشنز کے دفتر سمیت تمام اداروں میں ٹھوس اصلاحات لانے کیلئے ڈیجیٹلائزیشن پالیسی پر عمل پیرا ہے۔
انہوں نے منگل کے روز لاہور میں صحافیوں سے گفتگو کرتے ہوئے کہا کہ پنجاب انفارمیشن اکیڈمی کے قیام کی تجویز جلد وزیراعلیٰ کو پیش کی جائیگی۔فردوس عاشق اعوان نے کہا کہ وزیراعلی نے ٹھوکر نیاز بیگ لاہور پر ایک جدید بس ٹرمینل کے قیام کی منظوری دی ہے جبکہ مجوزہ ٹرمینل کا ڈیزائن رواں ماہ کی دس تاریخ کو پیش کیا جائیگا۔انہوں نے کہا کہ حکومت ماحولیاتی آلودگی اور سموگ کیلئے الیکٹرک بسوں کا آغاز کررہی ہے جبکہ عوام کی سہولت کیلئے لاہور ٹرانسپورٹ کمپنی کے دائرہ کار کو پنجاب کے ہر شہر تک وسعت دی جائیگی۔انہوں نے کہا کہ وزیراعلی نے پنجاب روڈ سیفٹی اتھارٹی کے قیام کی باضابطہ منظوری دے دی ہے۔