صدر ڈاکٹر عارف علوی نے کہا ہے کہ تاجر برادری کو مختلف مراعات اور سہولیات کی فراہمی کے ذریعے ملک میں کاروبار کیلئے ماحول کو زیادہ سازگار بنانے کی غرض سے اقدامات کیے جارہے ہیں۔
ہری پور ایوان صنعت وتجارت کے ایک وفد کے ساتھ بدھ کے روزاسلام آباد میں گفتگو کرتے ہوئے انہوں نے کہاکہ سخت مالی مشکلات کے باوجود حکومت نے تاجر برادری اور معاشرے کے غیرمراعات یافتہ طبقے کو کورونا وباء کے مضراثرات سے بچانے کیلئے بارہ کھرب روپے کا مالیاتی پیکج فراہم کیا ۔صدر نے کہاکہ حکومت کاروبار کیلئے انتہائی سازگار ماحول پیدا کرنے پرتوجہ دے رہی ہے اوراس کی کوششوں کی بدولت کاروبارمیں آسانی والے ملکوں کے انڈیکس میں پاکستان 136 ویں سے 108 ویں نمبر پر آگیا ہے۔انہوں نے قومی ترقی میں تاجر برادری کے کردار کی بھی تعریف کی ۔
