فائل فوٹو
پنجاب کے وزیراعلیٰ سردار عثمان بزدار نے کہا ہے کہ لوگوں کو کورونا وائرس کی چوتھی لہر سے محفوظ رکھنے کیلئے ہر ممکن اقدامات کئے جارہے ہیں۔
اتوار کے روز ایک بیان میں انہوں نے کہاکہ حکومت نے وبا کے پھیلائو کو روکنے کے حوالے سے عوام کیلئے ہدایات جاری کی ہیں۔ وزیراعلیٰ نے لوگوں پر زور دیا کہ احتیاطی تدابیر اختیار کریں اور ویکسین لگوائیں کیونکہ کورونا وائرس سے بچنے کا یہی انتہائی موثر طریقہ ہے۔ انہوں نے کہا کہ کورونا سے متاثرہ مریضوں کی تعداد میں اضافہ ہورہا ہے اور یہ صورتحال برقرار رہنے کی صورت میں سمارٹ لاک ڈائون نافذ کیا جاسکتا ہے۔