کشمیرکے بارے میں پارلیمانی کمیٹی کے تمام ارکان عیدالاضحی کے موقع پرکنٹرول لائن کا دورہ کریںگے جس کامقصدبھارت کے غیرقانونی زیرقبضہ جموں وکشمیرکے عوام کو یہ یقین دلاناہے کہ پوری پاکستانی قوم دکھ سکھ کی ہرگھڑی میں ان کے ساتھ ہیں۔یہ بات کشمیرپرپارلیمانی کمیٹی کے چیئرمین شہریارخان آفریدی نے پاکستان ٹیلی ویژن سے گفتگوکرتے ہوئے کہی۔انہوں نے کہاکہ ملک کی تمام سیاسی جماعتیں مسئلہ کشمیرپرمتحدہیں اورپاکستان قانونی حق خودارادیت کے حصول تک کشمیری عوام کی اخلاقی ،سفارتی اورسیاسی حمایت جاری رکھے گا۔شہریارآفریدی نے کہاکہ بھارت کے غیرقانونی زیرقبضہ جموں وکشمیرمیں بھارتی افواج انسانی حقوق کی کھلم کھلاخلاف ورزی کررہی ہے اوریہ اقوام متحدہ کی ذمہ داری ہے کہ وہ اس کانوٹس لے۔