فائل فوٹو

بھارتیہ جنتاپارٹی کے سابق رہنما اور سابق وزیر یشونت سہناکی سربراہی میں قائم بھارتی سول سوسائٹی گروپ نے مودی حکومت پر زور دیا ہے کہ وہ مقبوضہ کشمیر میں کالے'' قانون پبلک سیفٹی ایکٹ ''کے تحت گرفتارتمام کشمیریوں کو رہاکرے۔ سول سوسائٹی گروپ نے مقبوضہ علاقے میں تیز رفتار فور جی انٹرنیٹ کی بحالی اور تمام پرامن سیاسی سرگرمیوں پر سے پابندی ختم کرنے کا مطالبہ کیا۔ گروپ نے کہا کہ کشمیریوں کو یقین ہو چکا ہے کہ بھارتی حکومت انہیں دیوار کے ساتھ لگانا چاہتی ہے۔