فائل فوٹو
وزیر ریلوے شیخ رشید احمد نے کہا ہے کہ موجودہ حکومت موثر معاشی پالیسیوں اور مختلف شعبوں کیلئے مرعاتی پیکجز کے ذریعے مشکل حالات سے نکلنے کیلئے سخت محنت کر رہی ہے۔
ہفتے کے روز راولپنڈی میں صحافیوں سے گفتگو کرتے ہوئے انہوں نے کہا کہ پاکستان تحریک انصاف کی حکومت کو معاشی مسائل سابقہ حکومت سے ورثے میں ملے اور آئندہ چند دنوں میں صورتحال میں مزید بہتری کی امید ہے۔وزیر ریلوے نے کہا کہ مالیاتی ایکشن ٹاسک فورس بل بین الاقوامی چیلنجز سے نمٹنے کیلئے وزیراعظم کی حکمت کا ثبوت ہے اور پاکستان بہت جلد گرے لسٹ سے نکل جائے گا۔