اسلامی ترقیاتی بنک کے صدرڈاکٹربندربن محمدحمزہ حجارنے پاکستان کو اس کے تمام منصوبوں میں مکمل تعاون کایقین دلایا ہے۔یہ یقین دہانی انہوں نے سعودی عرب میں پاکستان کے سفیر خان حشام بن صدیق سے جدہ میں ایک ملاقات کے دوران کرائی۔ملاقات کے دوران انہوں نے پاکستان میں اسلامی ترقیاتی بنک کے منصوبوں پر تبادلہ خیال کیا۔سعودی عرب میں پاکستان کے سفیرخان حشام بن صدیق نے اسلامی تعاون تنظیم کے سیکرٹری جنرل ڈاکٹریوسفn Al Othaimee سے ملاقات کی۔انہوں نے ہالینڈ کے رکن پارلیمنٹ Geert Wilders کی جانب سے اظہار رائے کی آزادی کی آڑ میں گستاخانہ کارٹون مقابلہ منعقد کرانے کے اعلان پرغورکیا۔انہوں نے اس اعلان کی مذمت کی اور غیرمسلموں کو معاملے کی حساسیت سے آگاہ کرنے کے مختلف اقدامات اورمقابلہ روکنے پرتبادلہ خیال کیا۔ملاقات کے دوران دوطرفہ دلچسپی کے دوسرے امورپر بھی بات چیت کی گئی۔