وزیراعظم شہبازشریف نے کہا ہے کہ حکومت ملک میں بجلی کی قلت پر قابو پانے کے لئے ہر ممکن اقدام کررہی ہے۔
جمعہ کے روز اسلام آباد میں لوڈشیڈنگ پر قابو پانے سے متعلق ایک اجلاس سے خطاب کرتے ہوئے انہوں نے کہا کہ تمام بجلی گھروں کو فعال کرنے اور لوڈشیڈنگ کو ختم کرنے کے لئے کوششیں جاری ہیں۔
وزیراعظم نے افسوس کا اظہار کیا کہ گزشتہ حکومت نے لوڈشیڈنگ کے مسئلے کو سنجیدہ نہیں لیا اور جب دنیامیں گیس کی قیمتیں کم تھیں تو اس کی خریداری کا کوئی سمجھوتہ نہیںکیا گیا۔انہوں نے کہا کہ گزشتہ حکومت نے حویلی بہادر شاہ پلانٹ کو بھی تاخیر کا شکار کیا جو ساڑھے بارہ سو میگاواٹ بجلی پیداکرنے کی صلاحیت رکھتا ہے۔
