پنجاب کے وزیراعلیٰ سردار عثمان بزدار نے کوروناوائرس کی موجودہ صورتحال کے پیش نظر متعلقہ حکام کو مارکیٹوں اور بازاروں میں احتیاطی تدابیر پر سختی سے عملدرآمد یقینی بنانے کی ہدایت کی ہے۔
انہوں نے پیر کے روز لاہور سے ہدایات جاری کرتے ہوئے کہاکہ احتیاطی تدابیر پر عملدرآمد کی موثر نگرانی کی جانی چاہیے۔
انہوں نے عوام کو کوروناوائرس سے محفوظ رہنے کےلئے حکومت کی احتیاطی تدابیر پر عمل کرنے پر زوردیا۔
وزیراعلیٰ نے کہاکہ حکومت نے عوام کی معاشی مشکلات کا احساس کرتے ہوئے کاروبار کرنے کی اجازت دی۔