وزیرخارجہ شاہ محمود قریشی نے کہا ہے کہ حکومت دنیا کے مختلف ملکوں سے واپسی کے منتظر پاکستانیوں کو واپس لانے کو ترجیح دے رہی ہے۔
آج اسلام آباد میں کوروناوائرس کی وبا سے نمٹنے کے حوالے سے ایک اجلاس کی صدارت کرتے ہوئے انہوں نے کہا کہ وزارت خارجہ میں ایک کرائسز مینجمنٹ سیل قائم کیا گیا ہے جو دنیا بھر میں پاکستان کے سفارتخانوں کے ساتھ رابطے میں ہے، انہوں نے کہا کہ ہمیں بیرون ملک پاکستانیوں کی اصل تعداد کا علم ہے۔
وزیر خارجہ نے کہا کہ آزمائشی پرواز کا تجربہ کیا گیا ہے۔
انہوں نے کہا کہ تھائی لینڈ سے آنے والی آزمائشی پرواز کےتمام 170 مسافروں کا ٹیسٹ کیاگیا اورتمام کے ٹیسٹ منفی آئے ہیں۔