اقوام متحدہ کے سیکرٹری جنرل انتونیوگوتریزنے کوروناوائرس کی عالمی وباء کے خاتمے اور اس کا پھیلائو روکنے کے لئے صحت کا فوری اور مربوط نظام وضع کرنے کی ضرورت پرزوردیاہے۔وہ نیویارک میں اقوام متحدہ کے ہیڈکوارٹرز میں کوروناوائرس کے پھیلائو سے مرتب ہونے والے سماجی اورمعاشی اثرات سے متعلق عالمی ادارے کی رپورٹ کے اجراء کے موقع پر اظہارخیال کررہے تھے۔انہوں نے کہاکہ یہ وباء دنیابھرمیں تنازعات کوجنم دے سکتی ہے۔انہوں نے کہاکہ کوروناوائرس کی عالمی وباء دوسری عالمی جنگ کے بعدشدیدترین عالمی بحران ہے جو انسانی معاشروں کوبری طرح متاثرکررہاہے جس میں لوگوں کی جانیں جارہی ہیں۔انتونیوگوتریزنے صنعتی ملکوں پرزوردیاکہ وہ کم ترقی یافتہ ممالک کی مدد کی جائے جہاں جنگل کی آگ کی طرح پھیلنے والی بیماری کے ڈرائونے خواب کاسامناہے۔